Red Room Where the Writers Are

Issue/Publication: poetry,oracle,universum

Web Links

I heshtur mediton orakulli

Aty ku e mira dhe e keqja

Nuk dallojnë nga njëratjetra.

Pastron mbetjet fiziologjike të së ardhmes

Me barren rënduar mbi trup

Që si parazit ngadalë ia bren trupin.

Kërkon dashurinë në gotat e qelqta të jetës

Në tejdukshmëri duke shikuar qiltërsinë

E rrjedhur nga buzët e njoma virgjërore.

Me tinguj muzike të dalur nga shpirti

Ëndërron hapsirat e pafundme të fatit

Duke projektuar një jetë të re.

Aty ku profetët predikojnë për paqen

Orakulli përballet me stuhitë

Që pamëshirë e rrahin për hakmarrje.

Kaosi nuk e sprapsë,nuk e magjepsë luksi

Loti e mallëngjen,e lumturon buzëqeshja

Terri nuk e mbulon,kur e paraqet drita.

Shkëlqimi i zemrës së tij

Si far rrugën e kohës ndriqon

Nga bregu i detit të rrahur nga furtunat.