Articles and Stories
Me një lot dëshpërimi
fetus i vyshkur dështimi
bie në shportë
mbeturinash mëkati
Sa mirë
që nuk abortojnë pelat
se nuk shalohen gomarët
Çast për çast
nga çasti në çast
Kohë për kohë
nga koha në kohë
Jetë për jetë
nga jeta në jetë
Ndalem fillikat vetëm
sytë i derdh përreth
në hijen që më ndjek si qeni
Vazhdoj në gjysmerrësirë
në frikën që prodhon dilema
Kujdesshëm shkel livadheve
me shikimin përdhe
të mos e lëndoj tërfilin katërfletësh
Mjaft kam bartur gurin e mëkateve
me litar të lidhur rreth qafe
Iluzionet u tretën në ajër
si fluska sapuni
Nisa ta kuptoj botën
si një kore buke
Bota është vetëm një top
Ndërtojmë shtëpinë me letra bixhozi
gjithë natën flemë mbi iluzione
në perandorinë e pafundme të jokerit
Na kapin ethet kur dridhet pullazi
Treten në orë rëre qielli me tokën
në një pikë loti shi pikon nga retë
nisin ekspeditat e alkimistëve të vjetër
Tepër nervoz zoti gris qiellin
Rruga shtruar në gozhda
Prometeu i shndërruar në kërmill
ç'karneval fakirësh
Gjarpërinjtë shkojnë te dentisti
satanai zhveshur lakuriq
Dielli përdhunon tokën
Zoti gjithë kënaqësi
Gris galaksinë dhe në heshtje
Vështron - masturbon
Pasditja vonohet
ora është ndalur krejt
akrepat si thika më therin
zë i gjallë
s'dëgjohet kund
